أي حد عنده طالب في أولى ثانوي عام أو يعرف حد عنده طالب ياريت يبلغه المعلومات التالية لأنها مهمة جدا :
اولا : لازم عشان تستلم التابلت من المدرسة تروح الأول تعمل إيداع 100 جنيه في أي مكتب بريد تحت بند تأمين التابلت جميع المكاتب عندهم علم بالموضوع ده ... وهيدوك إيصال هو ده الي هتستلم بيه التابلت من المدرسة
هام جدا : لازم الشخص الي هيستلم التابلت سواء الطالب أو ولي الأمر و هو بيستلم التابلت هيمضي بالإستلام جنب إسم الطالب هيكون فيه رقم سيريال عبارة عن حروف وأرقام لازم يتأكد إن السيريال ده مطابق للسريال الي علي علبة التابلت ومطابق للسريال الي علي التابلت نفسه من جوة ... لأن لو مش مطابق ده معناه إنه إستلم تابلت خاص بطالب تاني وساعتها كل النتائج والإمتحانات الي هتنزل هتكون مش بتاعته وهتروح لطالب تاني ومش هيكتشف ده غير في نهاية الترم مع ظهور النتائج.
ثانيا : التابلت نازل بنظام خاص بوزارة التربية والتعليم عليه حماية
لازم تتأكد إنها موجودة : الكاميرات الخاصة بالتابلت مش هتبقى شغالة - البلوتوث الي في التابلت مش هيبقى شغال - التابلت هيبقي فيه مكان للخط لكن مش هيكون بيقرأ أي شريحة أو خط ..... لو إستلمت تابلت فيه الحاجات ديه شغالة يبقي التابلت ده غير مدرج في منظومة الوزارة ومش هينزل عليه أي منهج أو إمتحانات وساعتها لازم تتوجه لأقرب فرع من توكيلات سامسونج المعتمدة لحل المشكلة ديه
ثالثا :التابلت عليه ضمان 3 سنين من سامسونج ضد عيوب الصناعة وأي مشكلة صناعة فيه هتتحل مجانا فرجاءا ما حدش يودي التابلت لمحلات برة ... ولو فيه أي مشكلة يسلمه لأي فرع من توكيلات سامسونج المعتمدة
رجاءا نشر المعلومات ديه علي أوسع نطاق وتبلغ بيها أي حد تعرفه في أولى ثانوي عام
